Нил Доналд Волш: РАЗГОВОРИ СО БОГА

– книга прва –

Замислете дека можете на Бога да му ги поставите најмистериозните прашања и при тоа Бог ви дал разбирливи и јасни одговори. Тоа му се случило на Нил Доналд Волш. А може да ви се случи и вам. Подгответе се за еден необичен разговор што ќе ви го смени животот!

Во еден тежок период од својот живот, Волш налутен напишал писмо до Бога, прашувајќи го зошто животот му е неуспешен на сите полиња. И потоа слушнал глас: „Дали навистина сакаш одговор на сите овие прашања?“ Волш почувствувал дека одговорите му проблеснуваат во свеста и одлучил да ги запише. Дијалогот што следувал е токму во оваа книга.

Таа дава одоговри на прашањата што сите ние си ги поставуваме: за животот и љубовта, меѓучовечките односи, доброто и злото, вината и гревот, простувањето и спасението, рајот и пеколот…

Отворено зборува за моќта, парите, сексот, децата, бракот, разводот, здравјето, животното дело, иднината, минатото, сегашноста…

Ги истражува војната и мирот, земањето и давањето, видливото и невидливото, вистината и лагата, конкретното и апстрактното…

Понекогаш се појавува книга чија длабока мудрост од корен ќе ве смени. Разговори со Бога од Нил Доналд Волш е токму таква книга. Ќе ви помогне да се сетите кои сте навистина, зошто сте тука и која е повозвишената цел на животот. Ќе ви овозможи длабоко духовно будење и ќе го означи почетокот на едно посебно патување за духовен развој и проширување на свеста.